mánudagur, júlí 28, 2008

vika eftir af sumarfríinu....það þýðir að ég hef búið 5 vikur á akureyri og að ég fer í grundarfjörð eftir næstu helgi og verð þar í 3 vikur - verð reyndar bara virku dagana þar því um helgar þarf ég að bruna um landið þvert (ekki endilangt)

reikna með að fá góða gesti á morgun - það verður gaman! þeir sem hafa hugsað sér að koma hingað um verslunarmannahelgi verða að muna að hátíðin á að vera mjúk og elskuleg - svona eins og ég!!!

fimmtudagur, júlí 24, 2008

Það er ekki mikið að gerast þessa dagana en hér eru nokkrar myndir:

Hárið vex og vex

flott myndavél sem þú ert með þarna frænka

hvar er Patrek?????

mið nótt - séð af svölunum mínum

þriðjudagur, júlí 22, 2008

um leið og pappírarnir voru fundnir hætti ég að vera pirruð og draslið fær að liggja þar sem það vill...

núna er ég búin að vera 4 vikur í fríi og það er eiginlega alveg nóg...ég er hætt að geta sofnað á kvöldin - ligg andvaka og velti mér í lengri tíma alveg sama hvenær ég fer að sofa!!!!

get alveg hvenær sem er haft nóg að gera við undirbúning og svo byrja ég að vinna 70% á vesturlandinu eftir verslunarmannahelgi

búin að plana ferð í höfðuborgina fljótlega eftir að ég kem vestur og þá verður það helst mekka skipulagsfríka sem verður heimsótt (IKEA) og svo auðvitað skemmtilega fólkið í vesturbænum

sunnudagur, júlí 20, 2008

núna vantar mig pappíra og ég finn allt annað....ég finn blöðin sem ég prentaði út á undan og eftir og daginn áður og daginn eftir en ekki þau blöð sem mig vantar - get auðvitað prentað þetta út aftur en það er alger eyðsla á pappír að prenta út 40-140 bls sem ég veit að ég á einhversstaðar útprentaðar!!!!

nú er ég að verða ógurlega pirruð á því að allt sé ekki orðið fullkomið hér

fimmtudagur, júlí 17, 2008

hér líður tíminn við hörpuslátt og fuglasöng.....

ég er búin að finna bókasafnið og er að dunda mér við að læra á það...ég á alltaf erfitt með bókasafnsbreytingar af einhverjum orsökum - erfiðara heldur en að læra að rata í nýjum matvörubúðum!!!

mér finnst gott að vera í sumarfríi!!!!

búin að horfa á fullt af friends og tala við skemmtilegt fólk í síma og msn og ferðast mikið um netið!!!

sunnudagur, júlí 13, 2008

ég er ennþá kvefuð....er farið að gruna að ég hafi ekki bara fengið hermannaveiki heldur hafi ég líka smitast aðeins af fuglaflensu þegar ég fór í blómaval um daginn!!! ég er hrædd um að ég verði háð nefdropum og að ég hætti að geta sofið nema fá mér slurk af hóstamixtúru fyrst!!!!

ég er að dunda mér við að koma smádóti fyrir og svona það er bara gaman - í dag er ég að hugsa um að tengja loksins prentarann minn!!!

ég lék mér við patrek í gær á glerártorgi og hann grenjaði á mig!!!! ekki allan tíman heldur bara þegar hann var orðinn þreyttur á því að vera lítill strákur í innkaupakerru. Lékum okkur sko líka heima hjá honum og þá var hann allt annar maður því hann var stærsti strákurinn þar:-)

fimmtudagur, júlí 10, 2008

mér er um það bil að batna hermannaveikin sem hefur herjað á mig seinustu daga....ég er samt frekar slöpp ennþá en sé fram á að lifa þetta af!!!!

annars er frekar rólegt hér á Akureyrinni....ég er ekki búin að klára að taka upp úr kössum - geri það þegar ég er búin að finna stað fyrir innihaldið í kössunum.

mánudagur, júlí 07, 2008

Ég brilleraði sem einræðisherra um helgina...neyddi fólk til að drekka aðeins á vissum tíma, réði því hvað var horft á í sjónvarpinu(eða hvort kveikt var á sjónvarpinu á annað borð), neyddi fólk til að borða hollustu og vaska upp eftir sig, réði því hver færi í sturtu og hvenær!!!!

að vísu eldaði ég líka matinn, bjó um fólk og sá um fullt fullt af skemmtiatriðum!!!!

fimmtudagur, júlí 03, 2008

í dag keypti ég bleyjur

miðvikudagur, júlí 02, 2008

fréttir dagsins

það er farið að vera verulega erfitt að pakka upp....það er mjög lítið geymslupláss í eldhúsinu hjá mér - meira að segja mun minna en á Grundargötunni!!!!

Það er ekkert mál að koma fyrir stærri hlutum en það er miklu meira mál að koma fyrir litlu hlutunum - geymslan bjargar miklu en hún er samt ekki 100 fermetra... hahahaha

Ég er búin að taka upp úr flestum kössum....2 eldhúskassar eftir vegna plássleysis og 2-3 kassar sem eru tengdir pennum hahahaha nei ég meina skrifstofudóti og svo 1 kassi með skóm...hef gengið berfætt síðan ég kom hingað!!!!!

Í dag fór ég og keypti helstu nauðsynjavörur...mold og potta fyrir sætu blómin mín!!! Keypti reyndar líka lítið sætt borð til að setja út á svalir með stólunum sem ég keypti í gær!!!!!

Í gær eyddi ég fullt fullt af peningum....ég borgaði skólagjöld, keypti flugmiða til dk og keypti fullt af nauðsynjavörum (hvar ætla ég svo að koma þeim fyrir?????) hahahahahahahahahaha

Í gær hengdi ég líka upp myndir....smá trix þegar ekki má negla í veggina!!!!

Nú sit ég hérna í dásamlegri kvöldsólinni sem ég hef saknað mikið seinustu 4 árin - mér er svo sama að hafa ekki sól á svalirnar fyrri part dags þegar ég hef seinniparts og kvöldsólina hér...útsýnið af svölunum er ekki neitt slor eins og sést hér fyrir neðan

þriðjudagur, júlí 01, 2008

ég var allt í enu að muna eftir einu....ég vaknaði hágrátandi með tárin flóandi eina nóttina um helgina!!!!


þetta tengdist draumi.....ég var að ljúga mig út úr einhverjum fjandanum í draumi og til að lygin væri raunverulegri þá fór ég að gráta smá....talandi um krókudílatár

....lygin var samt að ég væri með krabbamein og ætti 3 og hálfan klukkutíma eftir á lífi - er ljótt að ljúga í draumi?????