Ég sé það á fréttum þessa dagana að ég hef greinilega verið að undirbúa mig undir kreppu dálítið lengi, ég frysti afganga af mat, ég frysti grænmeti þegar það er farið að styttast í að það verði lint, ég hef tekið slátur og ég kaupi bæði hjörtu og lifur.

en en en......það er ekki bara það að ég geri þessa hluti heldur borða ég líka afgangana og nota grænmetið í hina ýmsu rétti(æðislegt að eiga það tilbúið niðurskorið), mér finnst lifrapylsa eitt það besta sem er til, ég elda hjörtu reglulega og lifrabuffin mín eru sko með þeim bestu í heimi

ég á samt ekki 400 lítra frystikistu og þarf þess barasta ekki - ég borða bara visst mikið og enginn matur þolir að vera að eilífu í frysti