Ég hef alltaf öðru hvoru skammast mín örlítið fyrir hvað ég er utangátta í hinum ýmsu hlutum....ég er td alger jólasveinn þegar kemur að fjármálum - hef aldrei haft vit á því að spara pening eða safna auðæfum. Ég safna bókum og minningum og á sko mikið af hvoru tveggja en sem betur fer fleiri minningar en bækur.

En núna kemur í ljós að ég er ekki jólasveinn í fjármálum - ég var bara að tryggja stöðu mína fyrir kreppuna - þegar maður á enga sjóði þá tapar maður engum sjóðum!!!! Ég meira að segja leysti út peningabréfin mín í ágúst og keypti mér föt í Danmörku fyrir þau þannig að ég hef amk tvöfalda gleði um þessar mundir, ég á ekki sjóði sem hverfa og ég á fullt af fallegum fötum.

Veit einhver um skemmtilegar bækur sem maður verður að lesa????  og eiga....