11 febrúar

Loksins er horror vikunni lokið!!!!! Í gær var ég að vinna í ca 17 tíma og ég er eiginlega eftir mig í dag. Grundarfjörður sýndi sínar bestu hliðar veðurlega séð í gær......brjálað rok og rigning!!!! en allt reddaðist samt sem áður og það var rosa flottur matur á árshátíðinni...sem ég borðaði á hlaupum...og svo endaði ég kvöldið á að vera á balli með í Svörtum fötum...stóð reyndar í hurðinni í ca 2 tíma og leitaði í töskum og þrætti við unglinga og svo fór ég heim því ég var gersamlega búin á því, Þóra Magga var með mér á þessum hlaupum og ég held hún hafi verið alveg jafn uppgefin og ég.

Ég sýndi ykkur aðeins í ljóðabókina mína um daginn og ætla að sýna ykkur smá í viðbót í dag....

Þú ert að hverfa
hverfa frá mér
Þú notar flöskuna sem skjól
þú skríður ofan í hana
og lætur fara vel um þig
Þú talar ekki lengur við mig
en þú átt í hrókasamræðum við hana
Hún er stór hluti af lífi þínu
stærri en ég
Þú sérð mig aðeins óljóst
í gegnum flöskubotninn
á meðan þú tæmir flöskuna
áður en þú færð þér nýja
Getur þú ekki skilið
ég elska ekki flöskuna
ég elska þig
án hennar
en það er erfitt að tjá sig
í gegnum glerhjúpinn
sem umlykur þig
Þú ert ekki sá sami
með henni ertu allt annar